Umjue Askofu Dkt Alex Gehaz Malasusa

Askofu Alex Malasusa alizaliwa tarehe 18 April, 1961 katika kijiji cha Kiwira Wilaya ya Rungwe Mkoa wa Mbeya.  Wazazi wake ni Mchungaji Gehaz Japhet Malasusa na Mama Subilaga Timoth Malasusa. Ni mtoto wa pili katika familia ya watoto nane.

Alisoma katika Shule mbalimbali za msingi kutokana na kuhama kwa wazazi.  Mwaka 1976 alihitimu shule ya msingi Bungo Morogoro na baadae kujiunga na masomo ya Sekondari katika shule ya Kigurunyembe mwaka 1977.  Baada ya masomo ya Sekondari alijiunga na Chuo cha Uongozi wa Biashara na baadae alijiunga na masomo ya uhasibu.

Alex G. Malasusa alifanya kazi katika mashirika mbali mbali likiwemo Shirika la Akiba la Taifa, kwa miaka minne na baadae kujiunga na masomo ya Theologia.  Katikati ya masomo hayo, alipata fursa ya kusoma vyuo vingine vya nje katika mpango wa kubadilishana Wanafunzi.  Alihitimu masomo mwaka 1995 na kubarikiwa kuwa Mchungaji katika Dayosisi ya Mashariki na Pwani tarehe 03 Septemba 1995.  Masomo na mafunzo mengine ni pamoja na Usimamizi na Utawala.  Pia mafunzo ya dini mbali mbali.

Mwaka 1996 alifunga ndoa na Ericah Simon Nkonoki na kubarikiwa watoto watatu, Miriam, Michael na Mercy.
Askofu Alex Malasusa amefanya kazi Chuo Kikuu (DSM), Usharika wa Mburahati, Usharika wa Yombo, Usharika wa Msasani na kuwa Mkuu wa jimbo la Kinondoni (sasa Kaskazini).  Pia Askofu amepata kuwa Msimamizi wa Kiroho (Chaplain) wa Seminari ndogo Kisarawe.

Askofu amekuwa:-
•    Mkuu wa Kanisa KKKT kwa miaka 8 tangu 2007 hadi 2016 na Mkuu wa Chuo Kikuu Tumaini Makumira kwa kipindi chote.
•    Pia amekuwa Mwenyekiti wa Jumuiya ya Kikristo Tanzania CCT tangu mwaka 2013 hadi mwaka 2017.
•    Na sasa ni Mwenyekiti wa CCT – Dar- es- Salaam.
•    Pia amekuwa makamu wa Rais  wa Fungamano la Makanisa ya Kilutheri Duniani. (LWF) kwa miaka 7 tangu mwaka 2012 na Mjumbe wa Halmashauri Kuu WCC.
•    Amekuwa Mwenyekiti wa PROCUMURA Tanzania  kwa miaka sita.
•    Amekuwa Mwenyekiti wa CSSC Tanzania kwa miaka minne.
•    Kwa sasa ni Mwenyekiti wa CSSC kanda ya Mashariki.
•    Ni Mwenyekiti wa bodi mbali mbali ndani na nje ya Kanisa.

Baadhi ya Vyuo Vikuu duniani vilivyomtunuku Shahada za Uzamivu za heshima  za Udaktari:-
1.    TRINITY LUTHERAN UNIVERSITY – USA
2.    HELSINK UNIVERSITY – FINLAND
3.    FINLANDIA UNIVERSITY – USA

Mstari wa Biblia anaoupenda ni:-

Yohana 3:30 ‘’Basi hii furaha yangu imetimia.  Yeye hana budi kuzidi, bali mimi kupungua.’’

Ofisi ya Mkaguzi wa Mali na Hesabu wa Dayosisi itakuwa na jukumu la kuhakikisha katiba , kanuni na miongozo ya dayosisi inafuatwa na kuzingatiwa katika ngazi zote za dayosisi. aidha itahakikisha kunakuwa na udhibiti wenye ufanisi wa rasilimali za dayosisi.

MALENGO NA WAJIBU WA OFISI

• Kuhakikisha kuwa fedha zozote zinazotakiwa kutolewa kutoka akaunti za dayosisi matumizi yake yamepitishwa na kuidhinishwa na mamlaka husika kwa mujibu wa kanuni;
• Kuhakikisha kwamba fedha zote ambazo matumizi yake yameidhinishwa zinatumika kwa kusudi lililokusudiwa na mamlaka iliyopitisha fedha hizo;
• Kupitia mifumo ya udhibiti wa ndani mara kwa mara na kutoa mapendekezo ya namna bora ya kuiboresha;
• Kufuatilia kwa karibu mabadiliko na maendeleo yote kuhusu ufuasi wa kanuni ya fedha na udhibiti wa ndani;
• Kuandaa rasimu ya mipango (audit plan) ya utaratibu wa kuendesha kwa ufanisi kazi za ukaguzi katika dayosisi;
• Kuandaa ripoti za tathimini ya viashiria vya hatari vinavyofungamana na utendaji;
• Kuchunguza kwa makini mifumo na taratibu za uhasibu na kushauri namna ya kuiboresha.

Ofisi yetu

Emmanuel Msangi      Mkaguzi wa Mali na Hesabu ya Dayosisi     emma841@hotmail.com     +255 784 421 477

Elibariki Marco              Mkaguzi Mwandamizi                                       nasolwa1995@gmail.com   +255 679 622 711

Japhet Lukindo            Mkaguzi Mwandamizi                                       japhetjoseph@gmail.com     +255 712 251 021

Elizabeth Mollel            Mkaguzi                                                              elizamollel@yahoo.com         +255 762 782 362

Mary Mhalafu                Mkaguzi                                                              mhalafumary@gmail.com      +255 764 156 414